Comune di Arzene

Bonus Bebè

Al è un assegn una tantum leât aes nassitis e adozions di minôrs.

Recuisîts:

• Nassite o adozion di un fi;
• Cui che al fâs domande e il fi a àn di jessi residents in Friûl Vignesie Julie cuant che a presentin la domande;
• Almancul un dai gjenitôrs al veve di jessi resident in Italie di 10 agns, ancje no continuatîfs, di chei 5 in Friûl Vignesie Julie (o, in alternative, vê lavorât in Italie par 10 agns - ancje no continuatîfs - di chei 5 in Friûl Vignesie Julie) ae date di nassite/adozion dal fi;
• Vê la atestazion I.S.E.E., cun indicadôr I.S.E.E. che nol superi 30.000, valit ae date di presentazion de domande.

Cui puedial domandâ:

• Tal câs di gjenitôrs coniugâts o no coniugâts ma convivents, indiferentementri un dai doi gjenitôrs;
• Tal câs di no coniugâts e no convivents, il gjenitôr che al à la stesse residence dal fi;  
• Tal câs di gjenitôrs li che e je stade fate une disposizion di separazion personâl dai coniugâts o di dissiolziment dal matrimoni o di interuzion dai efiets civîi dal matrimoni, il gjenitôr che al à in afidament il fi cun proviodiment, ancje provisori, de autoritât judiziarie o, tal câs di afidament condividût, il gjenitôr che cun chel il fi al convîf;
• Tal câs che al sedi dome un gjenitôr che al esercite la potestât, chest unic gjenitôr.  

Impuart dai assegns pal an 2010:

• € 600 se e je une nassite o adozion dal prin fi;
• € 810 se e je une nassite o adozion di un fi che al ven dopo dal prin;    
• € 750 par ducj i fiis se e je une nassite di zimui o di adozion contestuâl di plui fruts.

Scjadince pe presentazion de domande:

Dentri dai 90 diis de nassite/adozion.

A cui presentâ la domande:

La domande di erogazion dal assegn, compilade precisementri in dutis lis parts e complete cun dutis lis zontis, e à di jessi presentade al COMUN DI RESIDENCE tai oraris di sportel.