Assegn aes fameis
Cu la leç 448/98 a son stâts introdusûts dai beneficis par sostignî lis fameis numerosis e la maternitât. A àn dirit al assegn pes fameis, lis fameis cun trê o plui fiis minôrs. L'assegn al è un contribût mensîl di € 129,79 par tredis mês.
Recuisîts
- Jessi citadins talians o comunitaris residents tal teritori dal Stât;
- famee di almancul un gjenitôr e trê minôrs di 18 agns che a sedin siei fîs e su cui che al esercite la potestât di gjenitôr. Ai fîs minôrs di cui che al fâs domande a son ecuiparâts i fîs dal coniugât, e ancje i minôrs vûts in afidament preadotîf. Il gjenitôr e i trê minôrs a àn di fâ part de stesse famee anagrafiche.
- risorsis di redits e di patrimoni de famee no di sore a chês previodudis dal Indicadôr de Situazion Economiche (I.S.E.) buinis pal assegn. Pal an 2010 l' Indicadôr de Situazion Economiche, cun riferiment aes fameis di cinc components, al è di 23.362,70 euro. Pes fameis cun divierse composizion, il recuisît economic al è riparametrât su la fonde de scjale di ecuivalence previodude dal decret legjislatîf n. 109/98.
Cuant e dulà presentâ la domande
La domande e à di jessi presentade al Comun di residence prin dai 31 di Zenâr dal an dopo di chel che al ven domandât l'assegn (par esempli, par vê l'assegn dal an 2009, cui che al fâs domande al à di presentâle prin dai 31.01.2010).
Paiament dal assegn
Il Comun, dopo di vê controlât la sussistence di ducj i recuisîts, al concêt o al nee l'assegn cuntune sô disposizion. In câs di concession, al mande al INPS i dâts che a coventin pal paiament. L'INPS al paie i assegns cun cadence semestrâl posticipade.