Acès ai documents aministratîfs

Cemût fâ: I citadins che a àn la necessitât di vê informazions o di otignî une copie dai documents aministratîfs su lis ativitâts e/o i ats dal Comun a puedin presentâ une domande scrite, in cjarte semplice, motivant in maniere complete la domande. La domande e à di contignî, in plui des gjeneralitâts di cui che al fâs domande, la indicazion precise dal document che si vûl vê, specificant se la copie e à di jessi dade in bol, in cjarte semplice o in copie autenticade. Tal câs che dopo de verifiche des condizions di amissibilitât di bande dal/de responsabil/e dal procediment, la domande e risultàs iregolâr, la Aministrazion comunâl e à di dâ comunicazion di chest a cui che al à fât domande. La concession in copie di documents e je subordenade al rimbors dal cost di riproduzion, salvis lis disposizions in vore a rivuart di bol e di dirits di ricercje e visure. La documentazion dal paiament fat e varà di jessi presentade tal moment che si cjolarà copie dal document domandât.

Cui puedial domandâ: I citadins che a àn la necessitât di vê informazions e di cognossi e/o vê copie dai documents aministratîfs e ognidun che al dimostre di vê un interès pe tutele des situazions che a àn rilêf dal pont di viste juridic.

Modui: Cjale il modul che si pues discjariâ par esercitâ il dirit di acès.

Trop timp che al covente: Il timp massim che si à par davuelzi la domande al è di 30 dîs.

Riferiments normatîfs: Leç 241/90 e modifichis seguitivis e integrazions; Regolament comunâl dal dirit di acès ai documents aministratîfs; DPR ai 12 di Avrîl 2006 n. 184