Place dal Comun cjalant viers il Viâl. La cartuline e je stade impuestade ai 25 di Setembar dal 1933. Insom al è un fogolâr carateristic, butât jù intal timp dal “progrès” e dal cambiament dal mût di vivi tai nestris paîs tai agns Sessante. Si viôt ancje la cassele postâl; lant dentri, a man çampe, e jere la poste.
Il confront jenfri lis dôs fotos al fâ viodi clarementri come che lis nestris cjasis e i nestris puescj a son cambiâts intai ultins cuarante agns. In cualchi câs lis costruzions plui impuartantis di une volte a son stadis butadis jù e tal lôr puest a son stâts costruîts edificis cun ideis dal dut diferentis. Une volte: cjasis grandis cun grandis fameis, cumò, apartaments piçui cun piçulis fameis che dispès no àn nissune parentele jenfri di lôr.
