Vie San Michele, viodude de Place de Glesie. Denant si viôt il grant poç che al deve aghe a dute la borgade. Si viodin, tant a man drete che a man çampe, dutis lis cjasis. Dal poç e je restade dome la part sot tiere che si pues ancjemò viodi traviers dai gatars di fier. O sin tai prins agns dal 1900 e la int e si è metude in mostre pe foto.
La vie San Michele e je cambiade dal dut: la roie di un timp no côr plui traviers dal paîs e al puest des cjasis di une volte al è stât fat un piçul condomini. Li a stan personis di fameis diviersis, al contrari di chel che al sucedeve une volte, cuant che tal stes curtîl a vivevin tantis personis di une stesse famee. In face dal condomini a son cjasis di une volte ristruturadis.
