Ricuarts tirâts fûr di une cartuline, impuestade ai 25 di Lui dal 1932. Tal cuadri in alt si viôt la gleseute di Sante Margarite (cjase Tomat).
La borgade di "Cià di Sot" e reste une des plui vielis dal paîs. Lis cjasis a son voltadis viers sud di mût che a cjapin dute la lûs e il cjalt inte zornadis di Invier. Ducj i edificis a son sistemâts daûr des esigjencis dai timps presints. I segns e lis liniis vielis a restin par fâ plui biel un toc dal paîs. Claps, modons, travaduris di len e cops a son i materiâi doprâts par fâ sù lis cjasis e lis stalis.
