Une variante de architeture tipiche inte costruzion des cjasis tal 1800. Inte cjase a jerin bielzà stâts fats dai lavôrs che a vevin cambiât la tipicitât dal lûc ma dut câs e jere restade come esempli di edifici. Al plan tiere a jerin lis puartis par lâ in cusine o intes stanziis di lavôr o di dipuesit (cantine, camarin). Lis stanziis a jerin simpri al prin plan, dilunc dal puiûl, tignût sù di breis tacadis tal tet. Fûr, tal curtîl, il poç, cu la pompe par vê la aghe pe abitazion e pe bestiis. La piture, disore la puarte, e rapresente la nassite di Jesus.
I mûrs mestris, denant dal curtîl, a fasin viodi cun ce materiâi che a jerin costruidis lis cjasis: claps, puartâts soredut dal Tiliment, e modons fats a man inte zone. L'intervent dai muradôrs, inte ristruturazion esterne, nol à cambiât tant la cjase. Ancje cheste costruzion, cussì come la plui grande part di chês fatis in chei timps, e je voltade a misdì, par cjapâ soreli e lûs dut l'an.
