Cheste anconute, costruide inte borgade dai "Crips", dongje la strade e à une storie particolâr: e je stade fate par un vôt di une persone dal paîs emigrade inte Argjentine. Costruide tal 1928, no je mai stade bandonade; simpri cualchidun le cure e le ten nete. Une volte, daûr de anconute, e jere une lungje file di morârs che a devin lis fueis par dâ di mangjâ ai cavalîrs.
Ve ca cemût che si presente la anconute cumò; e je stade sistemade plui voltis parcè che cualchi machine e je finide intor. Cumò e je plui piçule di cuant che e jere stade costruide: e je simpri tignude da cont di cualchi buine anime che le ten in ordin e plene des rosis. L'edifici al è frecuentât dispès de int dal borc, soredut tai mês dal Rosari. Tai ultins agns, une volte l'an, tal splaç daûr, la borgade si cjate par fâ fieste.
