Une strade impuartante di Darzin e je vie Sant'Elena che e puarte de crosere des scuelis fin a Place Sante Margarite. Cheste cartuline e je stade impuestade ai 10 di Setembar dal 1937. La strade e je strete e blancje. Viers lis scuelis, une cise e limite l'ôr de strade che e puarte a Voleson (a man çampe) o Darzin (a man drete).
In vie Sant'Elena tai timps passâts no si viodevin tantis cjasis, dopo plui di cualchi famee e à volût costruî propri in face a cheste strade. Di fat, a part il borc di Sante Margarite, ducj i edificis a son di epoche avonde moderne, costruîts tai nestris timps. Tai ultins agns dal 1900 propri inte vie in face a cheste e je stade costruide le bancje e vierte la farmacie: dôs ativitâts mai cognossudis tal nestri paîs.
