Une viste insolite inte cartuline o foto di Darzin. Cheste e je stade fate tor il 1930 e e fâs viodi il nestri paîs di vie Rojuzzo. Probabilmentri la foto e je stade fate dal solâr di cjase Callegari e tal prin plan e si viôt la cjase Gaspardo. La strade in bas a man çampe e je vie Sant'Elena che si incrose cun vie Viale. A man drete il vieli cjampanili e ducj i tets des cjasis de Losa. Cheste e je une des zonis dal paîs dulà che i cambiaments a son stâts une vore impuartants. Chi, di fat, a jerin pocjis cjasis; la int che e abitave chi no jere tante. Dopo dai agns '60 tantis fameis a àn cuistât tancj terens e costruît abitazions gnovis. Cumò dute la zone e je plene di vilutis costruidis a pene fûr dal centri dal paîs, ai confins di dulà che a tacavin i cjamps; puescj di pâs e di trancuilitât dulà che la int a ven a vivi une vite mancul di corse.
