Comune di Gonars

Descrizion

L’ uficiâl di anagrafe al pues certificâ o atestâ a ducj chei che a fasin domande motivade, gjavadis fûr lis limitazions di leç, la residence, il stât di famee e dutis chês altris posizions che di puedin gjavâ fûr dai ats anagrafics. Invezit l’ufici di stât civîl al pues certificâ la nassite, la muart, lis gnocis, la citadinance. Tai câs dulà che la certificazion e je domandade di un ent public o di un concessionari o gjestôr di public servizi, il citadin al pues valêsi di autocertificazion. Cheste e pues sostituî ducj i certificâts, no à bisugne di autentiche da la firme e no je sometude a la imposte di bol. Si puedin autocertificâ:

· date e lûc di nassite; residence; citadinance; gjoldiment dai dirits politics e civîi; stât civîl; stât di famee; esistence in vite

· dâts di cognossince direte che a son tai regjistris dal stât civîl (es. maternitât, paternitât, separazion o comunion dei bens tra i coniugâts)

· muart dal coniugât, dal assendent o dissendent; nassite dal fi

· esams universitaris sostignûts; titul di specializazion, abilitazion, formazion, inzornament e cualificazion tecniche; titul di studi, cualifiche professionâl possedude

· apartignince a ordins professionâi

· posizion dai oblics militârs

· redit; assolviment dai oblics contributîfs il codiç fiscâl; partide I.V.A.

· stât di disocupazion; cualitât di pensionât e categorie di pension; cualitât di student o casalinghe

· cualitât di legâl rapresentant o simil

· iscrizion li di associazions

· assence di condanis penâls; di no jessi a cognossince di procediments penâi in cors

· di jessi a caric da la famee

· di no jessi in cundizion di licuidazion o faliment e no vê presentât domande di concuardât.

Par la autocertificazion al è disponibil un model prestampât li dal sportel.

Invezit par comprovâ stâts, fats e cualitâts personâls, a direte cognossince dal interessât, no cjapâts dentri ta la liste di prin o che a rivuardin altris sogjets, il citadin al pues valêsi da la declarazion sostitutive dal at di notorietât.

Certificâts e autocertificazions che a rivuardin dâts no plui modificabii (es.: nassite, titui di studi, cualitât di pensionât) no àn scjadence. Par chei altris dâts la validitât da la certificazion e je di 6 mês.

A cui isal diret

Cui che al fâs domande al à di jessi a stâ tal Comun di Gonârs, o jessi stât pe certificazion storiche des situazions passadis.

Ce covential

• Document di identitât valit.

Coscj

Pai certificâts anagrafics in cjarte semplice:

• dirits di segretarie di € 0,26 di versâ al sportel.

Pai certificâts anagrafics in bol:

• dirits di segretarie di € 0,52 di versâ al sportel.

I certificâts di stât civîl a son esents di dirits.

Timps di spietâ

Nissun.

Indreçâsi a

Servizis demografics. Ufici anagrafe

Servizis demografics. Ufici stât civîl

tel. 0432 993038

pueste eletroniche: anagrafe@com-gonars.regione.fvg.it

Lunis, miercus, joibe e vinars 10.00 - 12.30

Martars 8.30 - 12.30 e 14.30 - 19.30