Il zimulament cu la citât slovene di Vrhnika
Il zimulament tra Gonârs e la citât slovene di Vrhnika al è stât siglât tal 1975 e al nas da la tragjedie dal cjamp di concentrament di Gonârs, dulà che a muririn ancje un grum di citadins di Vrhnika. In chescj agns i doi paîs a son rivâts però a fâ di chei ricuarts une reson di amicizie e di dialic, fondâts su la necessitât di savê, capî e perdonâ par podê contribuî a la cressite di une Europe di pâs.
I doi comuns a promovin in maniere costante events e iniziativis par ribati la impuartance da la colaborazion in ducj i setôrs, di chel economic a chel culturâl.
Tal 2006, i Sindics dai doi comuns a àn rinovât il pat di amicizie firmant un gnûf protocol di intese.